کتنا ہے بدنصیب ظفر دفن کے لئے دو گز زمین بھی نہ ملی کوئے یار میں

لگتا نہیں ہے جی مِرا اُجڑے دیار میں

کس کی بنی ہے عالمِ ناپائیدار میں



بُلبُل کو پاسباں سے نہ صیاد سے گلہ

قسمت میں قید لکھی تھی فصلِ بہار میں



اِن حسرتوں سے کہہ دو کہیں اور جا بسیں

اتنی جگہ کہاں ہے دلِ داغدار میں



اِک شاخِ گل پہ بیٹھ کے بُلبُل ہے شادماں

کانٹے بِچھا دیتے ہیں دلِ لالہ زار میں



عمرِ دراز مانگ کے لائے تھے چار دِن

دو آرزو میں کٹ گئے، دو اِنتظار میں



دِن زندگی کے ختم ہوئے شام ہوگئی

پھیلا کے پائوں سوئیں گے کنج مزار میں



کتنا ہے بدنصیب ظفر دفن کے لئے

 دو گز زمین بھی نہ ملی کوئے یار میں

خوبصورت

حضرت جنید بغدادی رح کے پاس ایک عورت آئی ، اور پوچھا کے حضرت آپ سے ایک فتویٰ چاہئے کہ اگر کسی مرد کی ایک بیوی ہو تو کیا اس کی موجودگی میں دوسرا نکاح جائز ہے ؟

حضرت جنید بغدادی رح نے فرمایا بیٹی اسلام نے مرد کو چار نکاح کی اجازت دی ہے بشرطیکہ چاروں کی بیچ انصاف کر سکے -

اس پر اس عورت نے غرور سے کہا کہ حضرت اگر شریعت میں میرا حسن دکھانا جائز ہوتا تو میں آپ کو اپنا حسن دکھاتی اور آپ مجھے دیکھ کر کہتے کہ جس کی اتنی خوبصورت بیوی ہو اسے دوسری عورت کی کیا ضرورت -

اس پر حضرت نے چیخ ماری اور بیہوش ہو گئے - وہ عورت چلی گئی جب حضرت ہوش میں آئے تو مریدین نے وجد کی وجہ پوچھی -

حضرت نے فرمایا کہ جب عورت مجھے یہ آخری الفاظ کہ رہی تھی تو الله تعالیٰ نے میرے دل میں یہ الفاظ القا کیے کہ :

اے جنید ! اگر شریعت میں میرا حسن دیکھنا جائز ہوتا تو میں ساری دنیا کو اپنا جلوہ کرواتا تو لوگ بے اختیار کہ اٹھتے کہ جس کا اتنا خوبصورت الله ہو اسے کسی اور کی کیا ضرورت ہے

بیوقوفوں سے عقل سیکھو

بچہ سائیں بابا سے، بابا ! آپ نے دانائی کیونکر سیکھی

سائیں  بابا، مجھے بیوقوفوں نے دانائی سکھا دی


بچہ، بیوقوفوں سے دانائی کیونکر سیکھی جا سکتی ہے؟

سائیں بابا، جیسا بیوقوف کریں ویسا نہ کرو


بچہ، بیوقوف کی پہچان کیا ہے؟

سائیں بابا، بیوقوف یہ سمجھتا ہے کہ وہ عقلمند ہے

صبر ، شکر

ایک درویش نے دوسرے سے پوچھا
"تم نے یہ مقام کیونکر حاصل کیا"

"جب نہیں ملتا تو صبر کرتا ہوں ، اور جب مل جاتا ہے تو شکر کرتا ہوں"

"اور تم اس مقام پر کیں کر پہنچے"
پہلے نے استفسار کیا

"جب ملتا ہے تو شکر کرتا ہوں، اور جب نہیں ملتا ہے تو بھی شکر کرتا ہوں"

سچ کی تلاش

علم الیقین ، عین الیقین ، حق الیقین

علم کا معنی ہے جاننا ۔ یقین کا معنی ہے کسی ایک نقطہ پر جم جانا مکمل یکسوئی کے ساتھ ۔ اس علم کی مثال یوں ہے کہ ایک گھڑا ہے ، دور پڑا ہے ۔ صرف علم ہے کہ اس میں پانی ہے ۔ اس کو آنکھوں سے پاس جا کر نہیں دیکھا ۔ فقط علم کی حد تک ہے ۔ اس میں کوئی اور چیز بھی ہو سکتی ہے ۔ فقط جاننے کی حد تک معلوم ہونا ، یہ علم الیقین ہے کہ اس میں پانی ہے ۔

اور جب نزدیک جا کراس کو آنکھوں سے دیکھ لیا کہ اس میں پانی ہے تو یہ عین الیقین بن گیا۔لیکن مکمل بات اب بھی نہیں کہ دیگر مائعات پانی سے مماثلت رکھتی ہیں کہ وہ پانی کی طرح ہوتی ہیں۔ مگر دیکھنے سے یہ پتہ چلا کہ کوئی مائع ہے ۔ پانی بھی ہو سکتا ہے اور کچھ بھی مائع ہو سکتا ہے ۔

لیکن جب اس کو چکھ لیا پی لیا ، پھر مکمل یقین ہو گیا کہ یہ واقعتا پانی ہے ۔ اسے حق الیقین کہتے ہیں کہ یقین تو پہلے بھی تھا ، جاننے کی حد تک ۔ دیکھ کر بھی مکمل نہ ہوا ۔ مگر جب اس کو چکھ لیا ، ذائقہ محسوس ہو گیا کہ پانی ہی ہے ، جاننے کا حق ادا ہوا تو حق الیقین بن گیا ۔